Тоқаевтың баспасөз хатшысы тағайындалды

Oinet.kz 22-03-2019 925

Screenshot_1.jpg

Берік Құрманғали Қазақстан Республикасы Президентінің баспасөз хатшысы болып тағайындалды. Бұл туралы Ақорданың сайтында жарияланды.

Құрманғали Берік Уәлиұлы 1977 жылы туған, білімі жоғары, 1997 жылы Т.Жүргенов атындағы Қазақ мемлекеттік театр және кино институтын «кинотанушы», 2005 жылы Әл-Фараби атындағы Қазақ Ұлттық университетін «журналистика», 2014 жылы Қазақ инновациялық гуманитарлық-заң университетін «құқықтану» мамандықтары бойынша бітірген. 1997-2012 жылдар аралығында «Хабар» Агенттігі» АҚ-ның, «ТАҢ» телекомпаниясының, «НТК» телеарнасының, «31 канал» ЖШС-нің журналисті, ақпараттық бағдарламаларының редакторы, «Нұр Медиа» ЖШС-нің жемқорлыққа қарсы медиа орталығының жетекшісі, 2012-2015 жылдары Оңтүстік Қазақстан облысы әкімі аппараты басшысының орынбасары – баспасөз қызметінің басшысы, ішкі саясат және дін істері басқармасының басшысы, 2015-2016 жылдары «Нұр Отан» партиясы төрағасы Бірінші орынбасарының кеңесшісі, 2016-2018 жылдары ҚР Инвестициялар және даму министрінің кеңесшісі, Ақпараттық қамтамасыз ету департаментінің директоры қызметтерін атқарған.

Ол бүгінгі күнге дейін Жамбыл облысы әкімдігінің ішкі саясат басқармасының басшысы қызметін атқарып келді.

Қазақстан бақытты елдер рейтингінде 60-орында тұр
Сүлейменов орнын тапты
Сәйкес тақырыптар
Көтерілу