Microsoft компаниясының негізін салушы Билл Гейтс COVID-19-дың қауіпі айтарлықтай сейілгенімен алдағы уақытта тағы бір пандемия болуы мүмкін екенін мәлімдеді, деп хабарлайды Stan.kz.

Жыл сайынғы Қауіпсіздік бойынша Мюнхен конференциясында сөз сөйлеген Гейтс COVID-19-дың қауіпі бірден сейілгенін айтты. 

"Аталмыш инфекция салдарынан кәрілік, семіздік немесе диабеттен зардап шегетін жандарда қауіпті аурудың пайда болу мүмкіндігі бірден азайды", - деді ол конференция барысында. 

Алайда Гейтс алда тағы бір пандемия болуы мүмкін екенін айтты. 

"Бізде тағы бір пандемия болады. Жаңа пандемия коронавирустар тобынан өзгеше патогенмен байланысты болады", - деп қосты. 

Гейтстің сөзінше, егер инвестицияны қазір салса, медициналық технологиялар саласындағы соңғы жетістіктер жаңа пандемияны жеңуге көмектеседі. 

"Егер әр мемлекет Австралияның істегенін қайталаса, мұны пандемия деп атауға да келмес еді", - дейді кәсіпкер. 

Айта кетейік, бұған дейін Билл Гейтс әлемді климаттық апаттан құтқарудың жолын атаған еді. Ол бұл үшін бизнестің бағытын өзгертуді ұсынған.