Алматы тауларында табылған Ерман Байменов қайтыс болды, деп хабарлайды Oinet.kz тілшісі.

ТЖМ мәліметінше Ерман Байменов құтқарушылар таудан түсіргенше қайтыс болған.

- Зардап шеккен азаматты тапқаннан жедел медициналық жәрдемге жеткізгенше бес сағатқа жуық уақыт кетті. Ол табылғанда жағдайы өте ауыр болған. Республикалық шұғыл-құтқару отрядының құтқарушылары сағат 20:45-те зардап шеккен 1985 жылғы азаматты жедел медициналық жәрдемге және ЦМК-ға жеткізді. Олар Құмбелсу өзенінің көпірінде күтіп тұрған. Екінші іздеу-құтқару тобында болған ЦМК дәрігері ер адамның көз жұмғанын анықтады, - деді ҚР ТЖМ ресми өкілі Талғат Уәли.