Қазақ-қырғыз шекарасындағы шиеленіскен ахуалға қаржы министрлігі жауап қатты. 

Көрші ел көлеңкелі бизнеске қарсы «бірлесіп жұмыс істеуден қашып отыр» деген жауапты ведомство басшылары шекарадағы шеті жоқ кептелісті қырғыз тарапы «қасақана ушықтырып отыр» деген сенімде. Қазір «Ақ тілек» бақылау-өткізу бекетінде 400-ден астам көлік тұрып қалған. Жүк көлігінің жүргізушілеріне коронавирусқа қарсы тест тапсыруды міндеттеу жығылғанға жұдырық болыпты.

Жүк көлік жүргізушілерінің айтуынша Қазақстан тарапы қауіпсіздік талаптарын күшейтіп отыр екен, ал қырғыз тарапта мұндай мәселе жоқ көрінеді.

"Өкінішке қарай, одақтың ішкі шекараларындағы жағдай қиын. Біз былтырдан бері Еуразиялық экономикалық одақ регламенты аясында алқаға жүгіндік. Себебі жағдайды ушықтырмау керек деп есептейміз. Сондай-ақ одақ ішіндегі өзара келіскен шарттарға қайшы", - дейді Еркін Арсандиев, Қырғызстан вице-министрі.