Шымкент қаласында орналасқан "Бекжан" базарының алдындағы аяқ киім сататын дүңгіршектер өртке оранды, деп хабарлайды Oinet.kz тілшісі. Ал, әлеуметтік желілерде (Instagram) базардың өртке оранған сәтінен түсірілген видеолар жүр. 

Оқиға бүгін сағат 14.00 шамасында болған. Қызыл жалын 280 шаршы метр жерді шарпыған. 

Өрт туралы хабарлама Шымкент қаласы төтенше жағдайлар департаментінің кезекшілік пультіне сағат 15.13-те түскен. Оқиға орнына 24 арнайы техника мен жеке құрамнан 70 адам аттанған. 

- "Өрттің беті сағат 15:36-да қайтарылып, сағат 15:43-те толығымен сөндірілді. Өрттің аумағы 280 шаршы метрді құрады. Оқиға салдарынан зардап шеккендер жоқ", - деп мәлімдеді Шымкент қаласы төтенше жағдайлар департаментінің баспасөз қызметі.