Ұлы Қытай қорғаны әлемде теңдесі жоқ, біздің жыл санаумызға дейін 5 ғасырда салынған алып құрылыс. Өз заманында ғұндардан қорғану үшін салынған қорғанның ұзындығы 21 196 шақырымға жетеді.

Көпшілік арасында Ұлы Қытай қорғаны ғарыштан көзге шалынатын адамзат қолымен жасалынған бірден-бір құрылыс деген түсінік бар. Бұл шындыққа сәйкес келмейді. Мәселен, айда тұрған адамның көзіне шалыну үшін жердегі құрылыстың ені бірнеше шақырым болуы керек екен. Ал, Ұлы Қытай қорғанының ені бар-жоғы 10 метрден аспайды.