6,6 миллион қазақстандық 42 500 теңгелік төлемге өтініш берген

Oinet.kz 17-04-2020 809

Төтенше жағдай кезінде табысын жоғалтқан 3 миллион 482 мың адамға Мемлекеттік әлеуметтік сақтандыру қорынан төлемдер тағайындалды, деп хабарлайды Tengrinews.kz тілшісі Еңбек және халықты әлеуметтік қорғау министрлігінің баспасөз қызметіне сілтеме жасап. 

image.png

17 сәуір сағат 11.00-дегі жағдай бойынша, "42 500 теңге" төлеміне 6 миллион 671 мың адам өтініш берген. 

Бірегей өтініштердің ең көп саны:

- Алматы облысы – 846,5 мың;

- Түркістан облысы – 801,6 мың;

- Алматы қаласы – 784,2 мың;

- Нұр-Сұлтан қаласы – 507,8 мың;

- Шымкент қаласы – 431 мың.

Өңірлер бойынша келесі облыстардың тұрғындарына жәрдемақы ең көп тағайындалған:

- Алматы облысы – 520 мың;

- Түркістан облысы – 415,6 мың;

- Алматы қаласы – 333,2 мың.

Деректерді тексеру және өтінішті қарау мерзімі 3 жұмыс күніне тең. Өтініштерді қарау мерзімдерінің ұлғаюына жол бермеу мақсатында азаматтардан өтінішті бір рет берулеріңізді сұраймыз.

МӘСҚ-та төлем жасау туралы шешім қабылданғаннан кейін өтініш берушіге SMS-хабарлама келеді. Кейіннен өтініш берушінің деректері "Азаматтарға арналған үкімет" мемлекеттік корпорациясы" КЕАҚ-ға жіберіледі, ол оны екінші деңгейдегі банктерге төлем жүргізу үшін жібереді.

Әлеуметтік төлем алуға өтінімді eGov порталы, 42500.enbek.kz веб-сайты және https://t.me/Help42500Bot адресі бойынша Telegram-бот арқылы беруге болады.

Естеріңізге сала кетейік, қолданыстағы Қағидаларға сәйкес ТЖ кезеңінде қызметтің шектелуіне байланысты табысынан айырылған жағдайда бір адамға МӘСҚ-тан айына 42 500 теңге мөлшерінде берілетін әлеуметтік төлем келесі санаттарға:

– жеке кәсіпкерлерге және шағын және орта кәсіпкерлік субъектілерінің жалақысы сақталмайтын демалыстағы қызметкерлеріне;

– карантин енгізілген елді мекендерде қызметін жүзеге асыратын ірі кәсіпкерлік субъектілерінің жалақысы сақталмайтын демалыстағы қызметкерлеріне;

– мемлекеттік мекемелерді қоспағанда, коммерциялық емес заңды тұлғалардың жалақысы сақталмайтын демалыстағы қызметкерлеріне;

– жеке практикамен айналысатын адамдарға (нотариус, жеке сот орындаушысы, адвокат, кәсіби медиатор);

– ҚР Салық кодексінің 774 бабына сәйкес, бірыңғай жиынтық төлемді төлеушілер болып табылатын жеке тұлғаларға;

– нысанасы жұмыстарды орындау (қызметтер көрсету) болып табылатын азаматтық-құқықтық сипаттағы шарттар бойынша табыс табатын, салық агенттері олар үшін міндетті зейнетақы жарналарын аударған адамдарға тағайындалады.

1-ші және 2-тармақшалар ұлттық басқару холдингтерінің, ұлттық холдингтер мен ұлттық компаниялардың қызметкерлеріне қатысты емес.

Алматыда коронавирус жұқтырған әйел босанды
Қазақстанда соңғы жылдары сәбилерге жиі қойылған есімдер тізімі жарияланды
Сәйкес тақырыптар
Көтерілу