Түркістан облысында белгісіз біреулер кәмелетке толмаған қызды интим қызмет көрсетсін деп ер адамдарға миллион теңгеге сатып жібермек болған, деп хабарлайды Tengrinews.kz. 

13 сәуірде Түркістан облысының криминалдық полиция басқармасына бір әйелдің кәмелетке толмаған қызды сатып жатқаны туралы хабарлама келіп түскен.

Полицейлердің мәліметінше, бұл жағдай сотқа дейінгі бірыңғай тергеу реестірне тіркелді.

Күдікті әйел сол күні Сайрам ауданындағы қонақүйлердің бірінде ұсталған. Оның Шымкент қаласының тұрғыны екені анықталды. Ол студент қызды сатпақ болған.