Қасым-Жомарт Тоқаев: Қазақстандық барлық интернет-ресурстар тегін болуы тиіс

Oinet.kz 23-03-2020 10695

Қазақстандық барлық интернет-ресурстардың қолжетімділігі тегін болу тиіс. Бұл туралы Ақордада Төтенше жағдай жөніндегі мемлекеттік комиссияның отырысын өткізген ҚР Президенті Қасым-Жомарт Тоқаев айтты, деп хабарлайды ҚазАқпарат тілшісі.

Картинки по запросу "токаев" 

«Карантин енгізілуіне байланысты біз халықты үйлерінде болуға шақырдық. Қашықтан жұмыс істеу адамдарды мобильді технологияларды барынша белсенді пайдалануына түрткі болады. Осыған орай төтенше жағдай режимі кезінде мобильді байланыс пен интернетке, әсіресе, білім беру ресурстарына, әлеуметтік желілер мен мессенджерлерге қолжетімділікті кеңейтуді тапсырамын», - деді Қазақстан Президенті. 

Мемлекет басшысы төтенше жағдай режимі кезінде қарыз пайда болған кездің өзінде байланыс қызметтерін ұсыну жалғаса беруі керектігін баса айтты. 

«Қазақстандық барлық интернет-ресурстардың қолжетімділігі тегін болу тиіс. Бұған дейін мен карантин кезеңінде халыққа коммуналдық қызметтер төлемін төмендету бойынша тапсырма берген едім. Алматы жедел әрекет етіп, тиісінше шешім қабылдады. Енді Мемлекеттік комиссия жалпыреспубликалық жүйелі шаралар әзірлеуі қажет. Толықтай алғанда, Қазақстан халқы бізден осынау шараларды күтіп отыр. Бүгін азаматтарға менің тапсырмаларымды таныстыруға және оларды жүзеге асыруға шұғыл кірісуі тиіс», - деді Қасым-Жомарт Тоқаев.

Тоқаев 55 жастан асқан адамдардың үйлерін оқшаулауды тапсырды
Төтенше жағдай кезінде қазақстандықтарға жәрдемақы төленеді
Сәйкес тақырыптар
Көтерілу