Аудан әкімдері «тікелей эфирге» шығуда

Oinet.kz 21-05-2020

Screenshot_8.png

Елдің талап-тілегін тыңдау, халықтың мұң-мұқтажына құлақ асу, оның шешу жолдарын жүзеге асыру кез-келген мемлекеттік қызметкердің міндеті. Елде енгізілген төтенше жағдай халық пен мемлекеттік органды әлеуметтік оқшаулауға алып келді. Бұл өз кезегінде азаматтар мен мемлекеттік аппарат арасында коммуникациялық кедергілердің туындауына себеп болды.

Осыған орай, Сыбайлас жемқорлыққа қарсы іс-қимыл Агенттігінің бастамасымен ел аумағында халыққа құқықтық кеңес беру мақсатында «Адал көмек» жобасы іске қосылды.

Аталмыш жоба Түркістан облысының аудан әкімдері тарапынан барынша қолдау тауып отыр. Аудан басшылары өңір тұрғындарын толғантқан мәселелерді шешу мақсатында әлеуметтік желілер арқылы «тікелей эфирге» шығуда.

Облыс әкімдігінің бспасөз қызметінің хабарлауынша, мысалы, кешегі күні Түлкібас және Шардара аудандарының әкімдері онлайн режимде кәсіпкерлік қызметпен айналысатын азаматтарға қандай қолдау көрсетілетіндігі туралы айтып, көше бойындағы жасыл желектерді күтіп ұстау және санитарлық тазалықбойынша қала тұрғындарыныңсауалдарына нақты жауап беріп, ұсыныс-пікірлерін тыңдады.

Айта кетсек, алдағы уақытта «Адал көмек» жобасы аясында өңіріміздің 16 қала және аудан әкімдері мен 181 ауылдық округ әкімдері әлеуметтік желілер арқылы байланысқа шығып, тұрғындардың сұрақтарына жауап беретін болады.


Сырдария мен Көксарайда шіркейге қарсы шаралар жүргізілуде
Қостақыр ауыз судың азабынан құтылады

Сәйкес тақырыптар
Көтерілу
×