«Кәсіпкерлік негіздеріне» онлайн оқытылды

Oinet.kz 12-03-2021 468


005.jpg

Мемлекет басшысы Қасым-Жомарт халыққ арнаған былтырғы Жолдауында елімізде шағын және орта бизнестің жалпы іш¬кі өнімдегі үлесін 2025 жылға қарай 35 пайызға дейін, ал жұмыспен қамтыл¬ған¬дардың санын 4 миллион адамға дейін көбеюі керектігін тапсырғаны белгілі. Президент бұл осы саланы дамы¬туға бағытталған жұмыстардың басты нәтижесі болатынын да атап өтті. 

Осы мақсатты Түркістан облысы Төлеби ауданында «Еңбек нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған мемлекеттік бағдарламасы тиімді жүзеге асырылып келеді. Өткен жылы ауданда жаңа бизнес идеяларды іске асыруға арналған мемлекеттік бағдарлама бойынша 149 азамат грант иеленіп, өз кәсібін бастаған. 

Грантты иеленушілердің басым бөлігі мал және құс шаруашылығы, кондитерлік, қызмет көрсету салалары бойынша істерін жүргізуде. Мемлекеттік бағдарлама аясында берілетін грантты көпбалалы отбасылар, жастар, аз қамтылған, мүмкіндігі шектеулі жандар мен әлеуметтік көмек алушылар ала алады. 

Жалпы, шағын несиемен қамту бағытында 58 азамат мал шаруашылығы, 3 азамат көлік қызметі үшін қаржылай қолдау қорларынан несие алған. Сонымен қатар, «Бастау Бизнес» жобасы бойынша «Кәсіпкерлік негіздеріне» карантинге байланысты жоспарлы онлайн оқытуға басымдық берілді. Нақтырақ айтсақ, «Кәсіпкерлерге қызмет көрсету палатасында» 650-ге жуық азамат оқуын аяқтаған. 





«Керуен сарай» биыл аяқталады
Қазығұртта шағын бизнес қарқынды дамып келеді
Сәйкес тақырыптар
Көтерілу