Жетісай ауданында бес жаңа мектеп пайдалануға беріледі

Oinet.kz 11-09-2020 621

31.jpg

Биыл Түркістан облысы Жетісай ауданында бес жаңа мектеп пайдалануға беріледі. Ал, келесі жылы 200 және 300 орындық екі мектептің құрылысы аяқталады. Бұл туралы Түркістан облысының Өңірлік коммуникациялар қызметі хабарлады.

Атап айтқанда, Ералиев ауыл округі Арай ауылындағы 300 орындық «Дәуір» мектебі, сондай-ақ Абай ауыл округі Отан ауылындағы 300 орындық №47 мектеп, Жетісай қаласындағы 1200 орындық мектеп, Жылысу ауыл округі Баққоныс ауылындағы 300 орынға арналған Жангелдин атындағы мектеп және Атамекен ауыл округіндегі 300 орынға арналған мектеп биыл толық пайдалануға беріледі. Жалпы ағымдағы жылы 2400 оқушыға мектепте жаңа орын даярланады.

Мәселен, Арай ауылындағы 300 орындық «Дәуір» мектебінің құрылысы 2018 жылы басталған. Биыл қыркүйек айында толық пайдалануға беріледі. Қазіргі таңда мектептің ішін жиһаз, техникамен жабдықтау жұмыстары жүруде. Бас мердігер – «Нүрі-Л-Жетісай» ЖШС-і.

Айта кетерлігі, Жетісай ауданында 44 099 мектеп оқушысы бар. Өңірде 13 аралас мектеп бар, қалғаны қазақ мектептері. 

Көп балалы ана мемлекеттің көмегімен кәсіпкер атанды
Жетісай тұрғыны сабын өндіріп, табысқа кенелуде
Сәйкес тақырыптар
Көтерілу