Ақан Сатаевтың Томирисі қалыңдық атанды

Oinet.kz 03-06-2020

Қазақ эстрадасының белді мүшесі Мөлдір Әуелбекованың "Назар" тобында өнер көрсеткен Салтанат Серкебаева бұрынғы продюсерінен қалыспай тұрмысқа шықпақ. Белгілі режисер Ақан Сатаевтың "Томирис" фильмінде басты рөлді сомдаған аруға сүйіктісі үйленуге ұсыныс жасады, деп хабарлайды Oinet.kz. Бұл туралы Томиристің жас кезін ойнаған Салтанат Серкебаева өзінің Instagram парақшасында хабарлаған. 

image.png

Ол жеке өміріндегі қуанышты жаңалығымен қалың көпшілікпен бөлісуді жөн көрген. "Назар" тобында ән салып, халыққа танылған бойжеткеннің таңдауы Сұлтан Құлатаев деген жігітке түскен. Серкебаеваның сүйіктісі де өзі секілді өнер саласынан алыс емес болып шықты. Күйеу жігіт түрлі мәдени іс-шараларды жүргізіп, желіде өлең оқу шеберлігін паш етіп жүр. Қос ғашықтың кездесіп жүргендеріне бір жылдам астам уақыт болған. Нәтижесінде әнші арудың сүйіктісі оған елорда жағалауында жақындарының көзінше үйленуге ұсыныс жасаған. Салтанат Серкебаеваның ғашығына "иә" деп жауап берген сәтінің видеосы Құлатаевтың парақшасында жарияланған. Желі қолданушылары жаппай жас әншіні қалыңдық атануымен құттықтап, оған ақ тілегін жаудырып жатты. Еске сала кетейік, "Томирис" фильмінен кейін Салтанат Серкебаева "Назар" тобынан кетіп, жеке әншілікті қолға алмақ ниетте болған.

Тоқтар Серіков іш киіммен бауырсақ пісірген Шырынға ашулы
«Өмірден өткенше өзімді қадірлейтін адам іздеймін» - Құрманай Бақтиярқызы

Сәйкес тақырыптар
Көтерілу
×