Зообаққа адамдар торға қамалған жануарларды қызықтауға келеді. Ал аспан асты елі Қытайда керісінше, адамдар торда отырып, жыртқыштар бос жүретін зообақ бар. Чунцин қаласындағы ерекше зообақтың аумағы 45 гектарды құрайды. 200-ден аса жануар мен 1000 түрлі құс  бар. Мұндағы жыртқыштардың барлығы бос жүреді, ал  тамашалауға келген адамдарды жүргізуші торланған көлікпен алып жүреді. Аю, жолбарыс секілді жыртқыштар тор ішіндегі адамдарға жақындай жүре береді.