Қан тапсырып тұру – өзгелердің өмірін құтқарады. Кейде донор болу да пайдалы. 83 жастағы қария жақсылық жасау мақсатында 20 жыл бойы донор болып келген.  Ойламаған жерден медициналық тексеруден  өткен қариядан дәрігерлер гемохроматоз  ауруын анықтайды.  Дегенмен мамандар науқасқа еш алаңдамауға кеңес береді. Себебі оның ұдайы қан тапсырып тұратын әдеті оның өмірін сақтап қалған. 

Гемохроматоз  жағдайында науқастың ағзасы азық-түліктен темірді көп мөлшерде сіңіріп алады. Ағзада темірдің көбеюі  көптеген ауруларға әкеп соқтырады. Әсіресе бауырды «өлтіреді». Кеселдің жалғыз емі – ағзадан темірді шығарып тастау. Яғни – қан тапсыру.