Қалижан Бекхожин. «Сағынып мен күттім»

Oinet.kz 03-10-2018 783

498e6e584710a4aa0e41139b7f32ae1d.jpg

Сағынып мен күттім,

Сәулемді, жарымды,

Отымен үміттің

Жандырып жанымды.

Көп болды кеткелі,

Бір хабар алмадым,

Сарғая күткелі

Көбейді арманым.

Үмітпен күн өтті

Бұлдырап сағымдай.

Өртеді - ау жүректі,

Қайтейін сағынбай...

Тарқатты сағымды

Сұрланып суық бұлт.

Күйдірді жанымды,

Әлді деп оны жұрт.

Ойға алып жұрт сөзін

Үмітім сөнбеді.

Мен күтсем сүйіктім,

Келеді, өлмейді.

Көп күткен ғашығын

Көруге ынтызар.

От майдан ашуын,

Басар да бір шығар.

Сағындым, мен күттім,

Сәулемді, жарымды.

Отымен үміттің

Тербетіп жанымды.

Қалижан Бекхожин. «Күте бер мені келер деп»
Қалқаман Сарин. «Толғау»
Сәйкес тақырыптар
Көтерілу