Мұқағали Мақатаев. «Аттандырып тым тәтті сәттерімді»

Oinet.kz 02-09-2019

1450429369_3a4a2274e8d7a715dc31bd6a5e55551f.a1762bf7cb196e15ffcd4a1b4e9173c413989.jpg

Аттандырып тым тәтті сәттерімді,

Мен аяқтап келемін дәптерімді.

Сәттерімді айттым ба, әттеңімді,

Әйтеуір жуып алдым пәк көңілді.

Анда-санда аударып парақтарын,

Күн батқанын білмедім, таң атқанын.

Бетіне ақ дастарқан тамып кетті,

Тулаған бойымдағы шарап-қаным!

Жырым, сырым - екеуі егіздерім,

Екеуін екі бөлек емізбедім.

Жатсам-тұрсам мұң шағып дәптеріме,

Жабырқаған жаныма ем іздедім.

Таптым ба оны, білмеймін, таппадым ба,

Халім келмей қажыған шақтарымда!

Жан-жырым жанға шипа болғаны рас,

Әлсіреп, сөніп бара жатқанымда...

Мұқағали Мақатаев. «Еске алу»
Мұқағали Мақатаев. «Отыздан асып барамын»
Сәйкес тақырыптар
Көтерілу