Ою ою ойым бар-ды,
Ойналмастан ойын қалды.
Орындалмай ойымдағы 
Ойылмады ою-дағы.
Орашолақ, олақпын ба,
Оя алмадым оюларды?

Асан бақша жақтан.

Ақ сабақ асқабақ әкелді,

Басқа жақтан.

Басқарақ асқабақ әкелді.

Ала-ала алашалар,

Тамаша олар,

Оған кім таласа алар.

Доп теп
Дөптеп

Сұр інген сүрінген бе
Сүрінген сұр інген бе

Бұлаң бұлаң еткен бұл аң
Бұлаң десем екен қылаң

Біреуі көрікті кісі,

Біреуі бөрікті кісі.

Көрікті кісі – зорықты,

Бөрікті кісі – қорықты.

Тақпақ жаттап,

Айтсақ жақсы-ақ.

Жатка тақпақ

Жатта тақ-тақ 

Қондық жаңа қонысқа,

Қалың екен жоңышқа.

Қоныстағы жоңышқа,

Оралады қонышқа!

Кермеде тұр қырық

кір қыстырғыш,

Қырық кір қыстырғышқа

Қырық қыз келіп,

кір қыстырды.

Ата мен әже, ана да,

Алма мен алмұрт тереді,

Ауырға Арман бала да,

Арбамен тасып береді.

Баланың жаман баға алмағаны,

Мұғалім ағаның жаман болмағаны.

Қоғанбай қомағай ма?

Жоқ, ағай

Қоғанбай қомағай емес,

Зор ағай.

Есім есі кетіп есінеп отыр екен.

Ол несіне.

Есі кетіп есінеп отыр екен.

Жағажайды жағалай,

Жүгіреді Қамажай.

Қапыда ит қапты,

Қатты қапты,

Қапты қатты.

Пышағы кесті, жайышты,

Шанышқысы шанышты.

Даланы қар жабар,

Қарға балалар аққала қалар.

Хан баласы ханзада

Болды ғашық ханшаға.

Алып ханнан хабар,

Ханшайымды табар.

Омартаға балалар барар,

Балаларды аралар талар.

Ғарышкер ұшты ғарышқа.

Ғарышқа ұшты ғарышкер.

Айтшы, ғарыш алыс па?

Дөң жатыр,

Дөңде тоң-тоң көн жатыр

Қырқада қырық арқар бар.

Қырық арқарда ақ арқар бар.

Алты арқарда марқа арқар бар.

Ескекті ескекші еседі,

Ескекші ескекті еседі.

Әбдіреде әбігер әтеш отыр.

Әбігер әтеш отырған

Әбдірені әжем ашып жатыр.

Гүлім гүлге қарап күлімдеді,

Көгілдір гүлге қонған аралар гуілдеді.

Электр шамы жанады,

Этаждар жымың қағады.

Электр жарық бермесе,

Экран сөніп қалады.

Алашаларды

Таба алса, алар.

Үміт түбіт түтті,

Түбітті түтіп бітті.

Инелік илеуде иленбейді.

Итбалық итмұрынды иіскемейді.

Пай-пай-пай,

Жайылып жүр тай.

Ай-ай-ай,

Ұшып кетті торғай.

Ащы жеген Тазша баланың аузы ашыды,

Тазша бала тұщы сумен -*аузын шайды.

Съезд, разъезд, подъезд.

Подъезд, съезд, разъезд.

Жаттап ал тез.

Ықылас пен Ыбырай

Ыдыстарын тасымай,

Ырыскүлден үлгі алмай,

Ынтасыз жүр тілді алмай.

Зура зурнада ойнайды,

Зурнада бір ғана Зура ойнайды деме,

Зара да, Зере де зурнада ойнайды.

Үш кіші ішік піштім,

Бес кіші ішік піштім,

Неше кіші ішік піштім?

Іске тіл ілесе алады,

Тілге іс ілесе алмайды.

Сұрап Мұрат

Коньки тап.

Байлап майлап,

Аттай шап.

Ян-ян-ян

Жүгіріп жүр қоян.

Ян-ян-ян

Бұл қоян емес, шаян!

Шын еңбекшіл - өрмекші,

Өрмекші - шын өрнекші.

Класта ақ бор бар,

Көк бор бар,

Көп бор бар.

Тақпақ жатта,

Жатқа жатта.

Үйде неше шал отыр?

Көсе шал отыр.

Тақиясы шошайып

Шоқша сақалды шақша бас шал отыр.

Сатып алды чемпион чемодан.

Чемодан алған чемпион чек алған.

Шынтемір

Шықпен шыланған шөпке

Шыңдалған шалғысын шық еткізді.

Ізшілер іздесті,

Түз кезді, із кесті.

Ошақта от жоқ,

Шоқ тап, от жақ.

Таяқ жон,

Жонсаң жөн жон.

Қанат қанағаттанарлық баға алды,

Қанағат канағаттанарлықсыз баға алды.

Бірқатар қада қада,

Қадаларды қатар-қатар қада.

Екеуінін жасы шамалас,

Бірінің шашы - қарашаш,

Бірінің шашы - ақ шаш аралас.

Талғат балға тап,

Оншақты жаңғақ шақ,

Шақсаң, сақ шақ.

Циркте ойнар аюды

Циркаш десем, күлесің.

"Ц” әрпінен басталған

Цемент сөзін білесің.

Түрің түрленіп, кідірмей оқы,

Тілің күрмеліп, мүдірмей оқ

. Бұл, бұл - піл,

Бұл бір ірі піл.

Қыста құлағым үсіп кетті,

Үсіп, ісіп кетті.

Шешей отты көсеумен көседі

Көсеумен кесек-кесек тезек төседі.

Киген тоны –

Онды тон,

Өнді тон.

Қызым жүзім же,

Жүзім үзіп же.

Тұз - мұздай,

Мұз - тұздай.

Бұл бір жылтыр шылбыр екен,

Кіл қылдан ескен қылшылбыр екен.

Тері шалбар бар,

Тері шалбар киетін шалдар бар

Үйген жүгерілері,

Түгел ірі жүгері.

Бар, май шайқа,

Байқа, жай шайқа.

Құрақ құрап көрпе көктеді,

Қырық құрақ көрпе көктеді.

Көктемде шөп өнер жер

Мал келер, мал ерер жер.

Шаншар шаршап жатыр,

Қайсар жайша жатыр.

Ерді ел елер,

Ер елге еркелер.

Тайғанақта қай тай тайды,

Тағалатпаған тай тайды.

Қанар қаптарды қаптап артар,

Шанақ арбаны аттар тартар.

Тары ақта,

Тары ақтап,

Қапқа қапта.

Қаһарлы айдаһар

Шаһарға келіп,

Қаһарланар.

Көпке бекер өкпелеме,

Өкпе етпе,

Тектен - текке өкпелетпе.

Бір қыз кесте тікті,

Кестесін түсте тікті,

Кеште тікті.

Қайрат қайрақ қайрап отыр,

Дайрақпен балта қайрап отыр.

Тұрыс бұрышқа тұр,

Бұрышта дұрыс ұрыспай тұр

Жапалақтап қаптап ақ қар жауды,

Алқапты аппақ ақ қар жапты.

Сүйініш ауырса бір,
Үй іші абыр-сабыр.
Қылмайтын абыр-сабыр
Одан да тәуір Сабыр.

Балақты қырық түрік түріп-түріп,
Жүгірді қырық түрік
Тұрып-тұрып.

Маймылдың тісі тіс-ақ,
Түсі түс-ақ.
Істеген ісі іс-ақ
Кісі құсап.
Бірақ ұсақ,
Ұсағы ұсақ!

Ара-тұра тал арала,
Тал ішінде талар ара.
Ара-тұра қала арала,
Таппай сені қалар ара.

Баланы қанағаттандыра алмадыңдар —
Қалаға аттандыра алмадыңдар.

Үш қышқа ұшқыш үш құс қонды.

Таппай қойсаң Жақыпты,
Taп қайтсең де Сақыпты.
Таппай қойсаң Сақыпты,
Taп қалай да Жақыпты.
Сақып жүрмес Сақыпсыз,
Сақып жүрмес Жақыпсыз

Дұрыс деп Тұраш айтты,
Бұрыс деп Бораш айтты.
Жалған деп Жарас айтты,
Рас деп Рәш айтты.
Қайыссы жалған айтты,
Қайыссы рас айтты?!

Бұлаң-бұлаң
Еткен бұл аң
Жүні қылаң
Екен бұлан.

Бізге жүр, жыр жырлайық,
Сізбен бір бір жырлайық.
Баста енді жыр лайық!

Арықтың бәрі ғаріп емес,
Ғаріптің бәрі арық емес.
Ал Әріп арық та емес,
Ғаріп те емес,
Барып көр,
Барып кеңес.

Шашы сары
Сашаның да жасы сегізде,
Шашы сұры
Сашаның да жасы сегізде.

Мазасыз
Жазасыз,
Амалсыз
Азасыз.
Жазасыз
Мазасыз,
Азасыз
Амалсыз.

Айта-айта жақ талды,
Қайта-қайта жатталды.
Қайта-қайта жақ талды,
Айта-айта жатталды.

Бала бұл ең тентек,
Күшіміз теп-тең деп,
Күреспе тектен-тек,
Құлайсың көптен-көп,
Аяғың көктен кеп.

Асанды әсем десем де,
Әсем одан әсемдеу.
Әсемді әсем десем де,
Асан, сірә, әсемдеу.

Бес түп алма
«Бестік» алғандікі.
Төрт түп алма
«Төрттік» алғандікі.
«Төрттік» алған
Бес түп алма алмайды.
«Бестік» алған
Төрт түп алма алмайды.

Дәптерім дәптер-ақ еді,
Жоғалтқан «Қап!»— дер-ақ еді
Қажетке көп жарап еді,
Әлі де көп жері ақ еді.

Мыңның мұңы —
Мұңның мұңы.
Мұңы мыңның—
Мұңы мұңның.

— Мың мін
Бойында кімнің?
— Жалқаудың бойында
Мін мың!

Алты алманы алды Алма,

Алды алманы Алдан да.

Алдан, Алма алды алма,

Ал есебін, алданба.

Әмір әбігер, неге әбігер?

Әділ әбігер, неге әбігер?

Әмір мен Әділдің әбігеріндей

Әркімнің әбігерлігі бар.

Есім есі кетіп есінеп отыр екен,

Ол несіне, есі кетіп есінеп отыр екен?

Шеше, шеше,

Неше кесе

Сынды кеше?

Қайрат қайрақ қайрап отыр,

Қайрақпен балта қайрап отыр.

Қойдан қалып қойған қара қозыны

Қалтай қораға қамап қойды.

Қырық үш қызғыш құсқа

қырық үш қызғыш құсты қосса

қанша қызғыш болады?

Жол бар,

Жолда өр бар.

Өр бар,

Орға барма,

Өрге бар.

Сенсең,

Бейсенде бар сеңсең тон,

Сейсенде бар сеңсең тон,

Кигендері өңшең тон.

Кім сызғышсыз?

Біз сызғышсызбыз.

Сызғышсыздарға

Сызғышсыз сызғыз.

Ісшіл іссізбен келіспейді,

Істі іссізден тез істейді

Іске іскер,

Істі іскер істер.

Сорпа іштік,

Сорпа ыстық.

Сондықтан қорқа іштік.

Шалғы саптап, шөп шап.

Шөп шапсаң, көп шап.

Көп шапсаң, шапсаң шап.

Шапсаң шапсаң, шаршап жат.

Ұйқышыл кісіні ұйқы қысты,

Ұйқышыл кісінің ұйқысы күшті.

Құлақтандырмағандықтарыңыздан

Бара алмай қалдық бәріміз де аңға.

Үлгілілік — үйретуден.

Үлгерулік – үйретуден.

Үлгілілік – үздіктен,

Үздіксіз үйретуден.

Ұрыспаз, ұғымтал-ұғымпаз,

Ұғыспаз, ұрыншақ-ұрынпаз.

Тас,тас, тасбақа,

Асты-үстінде тас-тапа.

Келсін қасқа- асқа, ата,

Берші бата, досқа, ата.

Сылдырмақ сылдырлады,

Сәби былдырлады.

Сылдырмақ сылдырласа,

Сәби былдырлай ма?

Сылдырмақты сындырмай ма?

Сексен сегіз сәбізді

Күнде өгізге жегізді.

Күнде сексен сегіз

Сәбіз жеген өгіз семіз.

Сабақ үстінде

Екі қыз бала жүзім жеп отыр.

Жүзімді тағы бір бойы ұзын қыз жеп отыр.

Жүзім жегенді Жекен тізімдеп отыр.

Ойбайлама, Орынбай,

«Ойбай» оғаш одағай.

Осы оғаш ойбайың,

Ойсыз олаң Ордадай.

Мұз мұзға ұқсас,

Тұз тұзға ұқсас,

Мұз да, тұз да ұқсас.

Моншақты тақты оншақты,

Оншақты болды моншақты.

Қырда екі кекілік жетіліп келеді,

Екі кекілік секіріп-кекіріп келеді.

Әдепті әділдікке әдеттенген.

Әдетте, әділдік те әдептіден.

Қойбағар тойға бармай, қойға барды,

Тойбағар қойға бармай, тойға барды.

Әжем үш әшмүшке шай алдырды

Әзер-мәзер дегенде шөл қандырды.

Әуесқойлыққа әуестенген

Әншінің әуені де әулекі.

Ақ мақта ақ қарда аппақ па?

Ақ қар ақ мақтадан аппақ па?

Ашқарақтанған ашқарақ он ұрланып,

Ашығыңқырағасын ас ішіпті обырланып.

Анам апалақ-сапалақ,

Алаңғасар балаға қатал-ақ.