Адамның ақыл-ойы тойымсыз. Ол тоқтай да, тыныштықта тұра да алмайды, ол үнемi алға ұмтылыста болады.

***

Бiз тарихтан кемеңгерлiктi, поэзиядан — шешендiктi, математикадан — зеректiктi, жаратылыс ғылымдарынан — тереңдiктi, адамгершiлiк философиясынан — байыптылықты, логика мен көсемсөзден — айтысу дағдысын үйренемiз.

***

Томаға тұйықтықтың үш түрi бар. Бiрiншiсiнде адам өзiнiң кiм екенiн бiлдiртпей, ұстамдылық пен үнсiздiк сақтайды; екiншiсiнде ол белгiлер мен шаралардың көмегiмен өзi туралы жалған түсiнiк беретiн жалтарушылықты ұсынады; үшiншiсi екi жүздiлiк, ол өзiнiң кiм екенiн бiлдiрмеуге тырысып, әдейi жасанды қылық жасайды.

***

.... Адам лайықты бола түскен сайын ол жұрттың көп бөлігінің өзіне аяугершілікпен қарайтынын сезіне түседі.

***

Жоғары лауазым адамды үш нәрсенiң: мемлекеттiң немесе тақсырдың, жұрт сөзiнiң және өз iсiнiң құлы етедi; ол ендi өзiне де, өзiнiң қылықтарына да, өз уақытына да ие бола алмайды.

***

Айлалылар бiлiмді жек көредi, ақкөңiлдер оған таңырқайды, ақылдылар оны пайдаланады.

***

Көптеген дана адамдар сөзге сараң болғанмен, жүзi жарқын.

***

Кітап — заманалар толқынында тербеліп, үстіндегі қымбат қазынасын ұрпақтан-ұрпаққа жеткізіп келе жатқан ой кемесі.

***

Кітап оқу адамды білімді, әңгімелесу – тапқыр, ал жазып алу әдеті – дәлшіл етеді.

***

Өркөкіректікте басқа кемшіліктердің жақсы қасиеті жоқ - ол жасырын бола алмайды.

***

Білім мен құдіреттілік — екеуі бір нәрсе.

***

Тамақты тарта жесең санаңды ашар,

Көп жесең ұйқы басар.

***

Мен ешқашан кәрі адам болмаймын. Мен үшін кәрілік әрдайым менен 15 жасқа үлкен.

***

Уақыт төрт затта жақсы білінеді: ескі ағаш жаңғанға жақсы, ескі вино ішкенге жақсы, ескі дос сенгенге жақсы, ескі автор оқығанға жақсы.

***

Өз жауыңды кешіргеннен артық атақ жоқ.

***

Мен ешқашан кәрі адам болмаймын. Мен үшін кәрілік әрдайым менен 15 жасқа үлкен.

***

Өркөкіректікте басқа кемшіліктердің жақсы қасиеті жоқ - ол жасырын бола алмайды.