Жетісай өңірінде елге пайдалы өнімдерді өндіріп, кәсібін дөңгелетіп отырған жандар жеткілікті. Ел экономикасына үлес қосып отырған осындағы бірқатар кәсіпорындарды жақында  Түркістан облысы әкімінің орынбасары Мейіржан Мырзалиев аралап шықты. 

Алдымен Асықата кентіндегі "Атамекен МК" ЖШС-нің мақтаны терең өңдейтін цехқа бас сұқты. Цехтың ұлғайту жұмыстарымен танысып шыққан әкім орынбасары  алдағы уақытта цех толық қуатта жұмыс істеуі үшін тиісті шараларды қолға алу керектігін айтып өтті. Бұл цех қазіргі уақытта медициналық мақта,тігін цехы, және гигиеналық заттар шығарумен айналысуда. Аталған табиғи таза өнімдер жергілікті нарықта импорттық тауарларға қарағанда бірнеше есе арзан бағада саудалануда.

Мейіржан Мырзалиев барған тағыда бір нысан бұл Қарақай ауылдық округінде орналасқан "Медет Сүт" ЖШС болды. Мұнда сүт өнімдерінің ірімшік, қаймақ, айран, сыр, түрлері өндіріліп ішкі нарықты толықтай қамтуда. Ал, Жетісай қаласындағы ЖК "Ұлықбек" аяқ-киім шығаратын цехының жұмысымен танысу барысында мұндағы шығарылып жатқан қысқы етіктердің сапасын арттыруды қолға алып, экспорттық өнімдердің қатарына кіргізу үшін сапаға басты назар аудару керектігін айтты. Мұнда шығарылып жатқан бір аяқ-киімнің бағасы 450 теңгеден екенін естіген облыс басшының орынбасары, бірнеше делдалдар арқылы бағасы көтеріліп кетпеуін қадағалауға алып, сапасына көңіл бөліп отырсақ алдағы уақытта бұданда үлкен цехқа айналатынына сенімдімін деді.