Мұхтар Тайжан: «Олар тек мемлекеттің ақшасын жеп жатыр»

2351870.jpg

2020-2022 жылдарға арналған бюджетті талқылау кезінде қоғам белсендісі Мұхтар Тайжан «Самұрық-Қазына» қорына қарасты компанияларға деген наразылығын жеткізді.

«Бүгін мен де қапа болып отырмын. Осымен бюджетті талқылауға екінші рет қатысып отырмын. Мен бір қорытындыға келдім. Бізде экономикалық саясат еш өзгерген жоқ. Демек, осы саясаттың нәтижесі де өзгермейді», – деді Мұхтар Тайжан парламентте өткен жиында.

Оның айтуынша, осы жолы тағы бюджеттен жүздеген миллион доллар квазимемлекеттік секторды, яғни «Самұрық-Қазына» қорына қарасты компаниялардың жарғылық капиталын толықтыруға қарастырылып отыр.

«Біз квазимемлекеттік секторды жаппай азайтуымыз керек. Квазимемлекеттік сектор дегенміз не? Ол – ҚазАгро, Самұрық, Бәйтерек, Даму, Аграрлық кредиттік корпорация. Осы әрбір холдингтің жүздеген шағын компаниясы бар. Олардың 90 проценті – банкрот. Олар тек мемлекеттің ақшасын жеп жатыр. Басқа пайда жоқ. Ақшаны жеп жатқаны былай тұрсын, экономикада жеке сектордың дамуына жол бермей отыр», – деп атап көрсетті Мұхтар Тайжан.

Экономиканы дамыту үшін алдымен квазимемлекеттік сектордағы пайдасыз компаниялардан құтылу қажеттігін айтқан қоғам белсендісі осол арқылы жеке секторларды, яғни шағын және орта бизнесті дамыту қажеттігін алға тартты. Ал бизнес дамымаса, жұмыс орындары құрылмайды.

«Жекеменшік банктерге көмек беруді тоқтату қажет. Соған біздің біраз ақшамыз кетіп жатыр. Содан экономикамыз да дамымай келеді», – дейді Тайжан.

Мүмкін сізді қызықтыратын тақырыптар:

  • Тоқаев Шымкент әкімі Мұрат Әйтеновті қабылдады
  • Тоқаев Түркия президентіне көңіл айту жеделхатын жолдады
  • Тоқаев: «Мемлекет мүддесі жолында еңбек етуге тиіспіз»
  • Коронавирустық инфекция Қазақстанға да жетті ме?
  • Болат Бақауовтың 18 мың жылқысы бар ма?
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика