Бүгін Шымкент қаласының Қоғамдық кеңесінің төртінші шақырылымы жұмысын бастады. Кеңестің алғашқы отырысында оның жаңа төрағасы болып Бұхарбай Парманов сайланды.

Бұхарбай Парманов уақтысында Сарыағаш, Төлеби аудандарының әкімі қызметін атқарған. Оның шенеуніктік карьерасы  2018 жылдан бастап Шымкент қаласында жалғасты. Қала әкімінің орынбасары, екі қайтара Абай ауданының әкімі болған. Былтырдан бергі аралықта ол қала әкімінің кеңесшісі лауазымын атқарып келеді. Биыл ол зейнет жасына толады.

Қоғамдық кеңестің бұл жолғы құрамына Сарыағаш ауданы, Кентау қаласының әкімі болған, қазір Шымкент қалалық ауыл шаруашылық аумақтық инспекциясының басшысы  Әбдібақыт Мақұлбаев, бірқатар аудандарды басқарған, облыс әкімінің орынбасары қызметін  атқарған, қазіргі уақытта Шымкент қалалық Ардагерлер кеңесінің төрағасы Кенжехан Төлебаев, белгілі журналист Әбдез Рахманұлы енді.