Қуандық Бишімбаев сияқты түрмеден ерте шыққысы келген Бағлан Майлыбаевтың жолы болмады

Мемлекеттік құпияны заңсыз жариялаған Президент әкімшілігі басшысының бұрынғы орынбасары Бағлан Майлыбаев бас бостандығынан айыру жазасын шартты мерзімге ауыстыру туралы өтініш берді. Алайда, сот бұл өтінішті қанағаттандырмады, деп хабарлайды OINET.KZ сайтының тілшісі zakon.kz сайтына сілтеме жасап.

«Нұр-Сұлтан сотының қылмыстық істер жөніндегі алқасының 2019 жылғы 4 қыркүйектегі шешімімен сотталушының мерзімінен бұрын шартты түрде босату туралы өтініші қабылданбады»,- деп хабарлады елордалық соттың баспасөз қызметі.

2017 жылы ҚР Президенті әкімшілігі басшысының бұрынғы орынбасары Бағлан Майлыбаев пен Президент әкімшілігінің ішкі саясат бөлімі басшысының бұрынғы орынбасары Николай Галихинге қызмет бабын асыра пайдалану және мемлекеттік құпияларды заңсыз жинау, тарату, жариялау баптары бойынша айып тағылды. Майлыбаев кінәлі деп танылып, бес жылға сотталған. Сонымен қатар, оның мүлкі тәркіленіп, мемлекеттік органдардағы лауазымдарды атқару құқығынан өмір бойына айырылған.

2019 жылдың наурызында Майлыбаев қоныс колониясына ауыстыру туралы өтініш берді. Бірақ оның бұл өтініші де қанағаттандырылмады.

Мүмкін сізді қызықтыратын тақырыптар:

  • Президент Көкшетау қаласына барды
  • Алтай Көлгінов: «Күніне 150-200 адам әкімдіктің алдына келіп тұрады»
  • ҚР Қаржы министрлігі онлайн төлемдерге салық салуға қатысты пікір білдірді
  • Хабиб Нурмагомедов: «Бос уақыт – балалар үшін өте қауіпті»
  • Қазақстанның екі қаласында жағымсыз метеорологиялық жағдай күтіледі
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика