Қазақстандық кәсіпқой Қанат Ислам (25-0, 20 КО) Астанадағы Орталық коммуникациялар қызметінде өткен брифингте карьерасын жалғастыру туралы мән-жайды айтты, - деп хабарлайды Vesti.kz.

Олимпиада ойындарының қола жүлдегері кәсіпқой рингкте 2012 жылдан бастап жұдырықтаса бастады, алайда, соңғы 15 айда рингке шықпады. Жазда қазақстандық АҚШ-та жұдырықтасу керек болатын, бірақ, жарақат алып қалған еді.

"Промоутер Лопеспен жұмыс істеген кез болған. Енді Эгис Климаспен келісімшарт жасастым. Бірақ рингке шығар алдында жарақат алып қалдым, ал дәрігерлер емделуіме жеті-сегіз ай қажет деп сендірген. Эгис Климаспен сөйлестім. Ол мен дайын болсам, бір ай ішінде жекпе-жек ұйымдастырып бере алатынын айтты.

Дәрігерлермен ақылдасудамыз. Олардың соңғы жауабын күтіп отырмыз. Бір ай ішінде жауабын беру керек", - деп түсіндірді боксшы.