Ішкі істер министрлігі тұрақты түрде аумақтық бөлімшелердің қызметіне жоспарлы қызметтік тексеріс жүргізіп тұрады. Кезекті тексеріс Атырау облысында жүргізілген.

Қызметтік-әскери тәртіп өрескел бұзылуына, тиісті бақылау және жұмысты ұйымдастыру болмауына байланысты ішкі істер министрінің бұйрығымен Атырау қаласы полиция басқармасының бастығы, сондай-ақ, Атырау облысы Полиция департаменті өзіндік қауіпсіздік басқармасының және есірткі қылмысына қарсы іс-қимыл басқармасының басшылары лауазымдарынан шеттетілген.

"Бұған дейін ішкі істер министрі ведомствода заңдылық пен қызметтік тәртіпті қамтамасыз ету бойынша жұмыстар жүргізілетінін бірнеше рет айтты", - деп жазылған хабарламада.

Айта кетейік, бұған дейін Шымкент пен Алматы қалаларында полиция тарапынан жіберілген қателіктің салдарынан басшылық құрам қызметтерінен босатылған болатын.