Бүгін Түркістан облысының әкімі Нұралхан Көшеров Түркістан қаласының тұрғындарының алдында есеп берді. Есепті кездесуде қала әкімі Әзімбек Пазылбекұлы баяндама жасады. Дегенмен облыс әкімінің оған көңілі толмай ескерту жасады деп хабарлайды Oinet.kz тілшісі.

- Кейбір қажетті емес жобаларды тоқтатып, халықтың сұранысына қажет дүниелерді шешу керек. Қала тұрғындары өз мәселелері бойынша қала әкіміне келеді. Бірақ оларды сіздің жауабыңызға қанағаттанбай, сосын облыс әкіміне арыз-шағымын жолдайды. Мысалы былтырдың өзінде 363 қала тұрғына облыс басшысының жеке қабылдауына жазылды. Осыларды толық әрі жан-жақты зерделеп, қала деңгейінде тиісті шешуді тапсырамын, - деді облыс әкімі.