Түркістан облысында бұрынғы әйелін тұтқынға алып, полицейлерден қашқан күдіктіге үкім шықты, деп хабарлайды Oinet.kz тілшісі КТК арнасына сілтеме жасап.

Құмар ойынға құныққан ол өзін тастап кеткен әйеліне пышақ кезеп, Қызылордадағы үйіне күштеп апармақ болған. 

Шым-шытырық оқиға былтыр болған. Ойынқұмар азаматты үш жыл бұрын әйелі тастап кеткен. Соны қайтару үшін күдікті Сайрам ауданындағы әйелінің төркініне іздеп барады. 34 жастағы еркек әйелінің мойнына пышақ тақап көлікке отырғызып алып, Қызылордаға әкетпек болған. Бірақ артынан түскен Арлан арнайы жасағы оны Шымкентте ұстаған.

Қашқынды қолға түсіру үшін тіпті дыбысты жарық гранатасын қолдануға тура келген. Соның салдарынан тамағынан жарақат алған әйел жансақтау бөліміне түскен. Ал ойынқұмар күйеуі 9 жылға сотталып кетті. 32 жастағы әйелі үш баласымен төркініне қайта оралған.