Төлеби ауданының тәртіп сақшылары жасөспірімдердің қауіпсіздігін қамтамасыз етіп, олардың қатысуымен болатын құқық бұзушылықтардың алдын алу мақсатында, "Түнгі қаладағы балалар" жедел-профилактикалық іс-шарасын өткізді. Аудандық полиция бөлімі мен "Жастар ресурстық орталығы"  КММ қызметкерлері бірлесіп,  жасөспірімдер көп баратын ойын-сауық орындары, компьютерлік клубтарды аралады. Сондай-ақ түнгі уақытта заңды өкілінің еріп жүруінсіз тұрғынжайдан тыс жерде жүрген 28 жасөспірімнің ата-анасына хаттама түзу арқылы "ескерту" берілді. 

Саябақтарда ортақ пайдаланылатын орындарды ластау, оның iшiнде белгiленбеген орындарға коммуналдық қалдықтарды тастағаны бойынша 5 жасөспірімнің заңды өкіліне айыппұл салынды.

Жалпы бұл бағыттағы шаралар ауданның әрбір ауылдық округтерінде өз жалғасын табады. 

Түркістан облысы ПД баспасөз қызметі