Жаңадан сайланған сенатор Гүлмира Кәрімова кенеттен қайтыс болды. Бұл туралы Парламент Сенатының баспасөз қызметі мәлімдеді, деп хабарлайды Oinet.kz тілшісі.

"Бүгін түнде жаңадан сайланған сенатор Гүлмира Кәрімова 45 жасында кенеттен қайтыс болғанын қайғыра хабарлаймыз. Оған алдын ала "анафилаксиялық шок" деген диагноз қойылып отыр. Қазақстан Республикасы Парламенті Сенатының депутаттары мен Аппараты Гүлмира Раинбекқызының туыстары мен жақындарына көңіл айтады" делінген хабарламада.