Роза Әлқожа: Қыздан тараған қаншама ру бар

Oinet.kz 25-05-2022

Әнші Роза Әлқожа жиеніне марқұм күйеуінің тегін берген Жанар Айжановаға қатысты пікір білдірді. Ол өз жазбасында ежелден бері талар ру қыздан тарағанын тілге тиек етті.

97435773.jpg

Роза Әлқожа әсерлі жазбасын Instagram парақшасында жариялады. 

"Қазақта тусаң ту дейтіндей өнерпаз аз. Соның бірегейі, қыз болса да, ұл болса да қайраткер деңгейінде ғана қабылдайтын жан - Жанар Айжанова! Құдай Айжұлдызды алданыш қып берсе де, азаматтың орнын ұсынған екен. Назары Адайбек ағамыздың ізін жалғап, тегін алды. Тағдыр деген тайқы маңдайды қалай тіледі?! Құдай құдіретті болған соң да адамзаттың миына сыймас ғажайыптарды жасайды! Сонымен қазір күйеуге берсең үлбіреп тұрған Айка емес, олжалы болған Жанар әжені құттықтадық. 

Айжұлдыздың 90-дағы әжесі келіп маңдайынан сүйді! Адайбегімнің атын өшірмегенің жақсы деп сүйсінді. Қазақ тарихын қазбаласаң қыздан тарап, таралып жатқан қаншама ру бар. Тәңірдің тартуы деген осы. Атасы да, әжесі де боп немересін мойнына отырғызып шауып жүрген Жанар қыз, Жанар анаға қарап қайта-қайта көңілім босады! "Жарым" деп сүйген жан жолдасынан айырған жылдар - жалғыз түйірінің құрсағына біткен қуанышпен қайта шыңдағандай. Халықтың махаббатын берген Алла адамның махаббатына аз бөлейтініне көз жеткелі қашан! Назарлы қалпыңызда әзиз әже боп, алдымызда үлгі боп ұзақ жасаңыз, Жан апа", - деп жазды ол. 

Зәре-құтымызды ұшырған таңғы елес
Балалы әйелді лифтіде зорламақ болды
Сәйкес тақырыптар
Көтерілу