Мәскеуде тұратын белгілі қазақстандық балгер Кажетта (Екатерина) Ахметжанова бұған дейін де Nege.kz порталына екі мәрте арнайы сұхбатында Ресей мен Украина арасындағы соғыстың қашан аяқталатынын айтты.

– Көріпкел ретінде айтсам, Ресей мен Украина арасындағы соғыс әлі үш жылға созылады. Әзірге бітпейді. Соғыс өрт сияқты лапылдап жанады, қайта басылады. Осылай ауық-ауық қайталана береді.

Бұл кәдімгі от сияқты ғой.  Жанады, аздап басылады да, қайта күшіне мінеді. Екі елдің қарым-қатынасы қиын болады. Қазақстаннан да, Ресейден де кәсіби мамандар кетіп жатыр. Кеңес одағы кезінде әскери стратегияны жан-жақты білетін мамандар болған. Қазір осындай кәсібилер жоқ. Сондықтан бұл соғыс кем дегенде үш-төрт жылға созылады, - деді көріпкел.