Еске сала кетейік, жақында депутаттар Қазақстанда ана капиталын енгізіп, бала дүниеге келгені үшін 4,2 миллион теңге төлеуді ұсынған еді. 

«Елімізде ана капиталын енгізу және бала өмірге келгені үшін 4,2 млн көлемінде жәрдемақы беруді дұрыс деп санаймын. Бұл қаражат тұрғын үй сатып алуға және отбасының тұрмыстық жағдайын жақсартуға, баланың білім алуына, анасының зейнетақы жинақтауына жұмсалады», — деген болатын Смайлов. 

Депутаттың бұл ұсынысы қызу талқыланды. Желі қолданушалыр түрлі пікір жазды. 

«Бала туғандарға 4 млн теңге беретін болды ма? Жаңалықтардан оқып едім. Беретін болса, бала туып, әрі 4 миллионды болып қалайын деп едім ғой. Концерт, той жоқ бәрібір», — деп жазды Ерке Есмахан өзінің Instagram парақшасында.