Шымкенттегі тұрғын үйлердің бірінен қыздың өлі денесі табылды. Полиция хабарлағандай, қыздың мойнында қылқындыру іздері байқалған. Күдіктіні құрықтады, деп хабарлайды Oinet.kz ақпарат агенттігі.

Шымкенттік қыз екі сыныптасының айуандық әрекетінен кейін өз-өзіне қол жұмсамақ болды

Шымкенттің 18-ші шағын ауданындағы тұрғын үйлердің бірінен белгісіз қыздың денесі табылғаны туралы хабарлама полицияға 19 қазанда келіп түсті.

- "Тексеру барысында жәбірлеaнушінің жеке басы анықталды. Бойжеткен, 2000 жылы Түркістан облысында ту,ан. Мойын аймағын тексеру кезінде қылқындыру іздері табылды. Сот-медициналық сараптама жәбірленушінің өлімі қылқынудан болғанын растады", - деп хабарлады Шымкент полиция департаменті.

Аталған факті бойынша сол күні адам өлтіру бабы бойынша сотқа дейінгі тергеу басталды. Құқық қорғау органдарының мәліметінше, жедел-іздестіру шаралары барысында Түркістан облысының 1997 жылы туған тұрғыны күдікке ілінді.

Қазіргі уақытта күдіктіге қамауға алу түріндегі бұлтартпау шарасы қолданылды.