Қарағанды қаласында базар өртенді

Oinet.kz 21-10-2020

Төтенше жағдайлар министрлігінің ресми өкілі Талғат Уәлидің хабарлауынша, 21 қазан сағат 00:07-де Қарағанды қаласындағы «Арай» базарында өрт шыққаны туралы хабарлама түскен.

«Өрт сөндірушілер оқиға орнына 6 минутта барды. Келген сәтте базар аумағында контейнерлер жанып жатқаны анықталды. Объектінің электр тогынан ажыратылмағаны, сондай-ақ жақын тұрған басқа контейнерлерге от тию қаупі болуымен өртті сөндіру қиындай түскен. Өрт сөндірушілер жапсарлас орналасқан контейнерлерді ашып, ондағы материалдық құндылықтарды сыртқа шығарды», - дейді ол.


Өртті сөндіруге Қарағанды облысы Төтенше жағдайлар департаментінің 50 адамы мен 11 техникасы жұмылдырылды. Өрт сағат 01:23-те сөндірілді. Өрт жалпы ауданы 200 шаршы метрді құрайтын 14 сауда контейнерінде болды. Өрт шыққан контейнерлердің бірінен үлкен сомада ақша табылып, иесіне қайтарылған. Зардап шеккендер жоқ. Өрттің себебі анықталып жатыр.

Шымкентте жиырма жастағы бойжеткенді қылқындырып өлтірген
Ақтөбеде жас жігіттерді әскер қатарына күштеп әкетуде (видео)
Сәйкес тақырыптар
Көтерілу
×