"Астана Операның" бұрынғы жетекші әншісі Сүндет Байғожин Қызылорда облысы әкімінің тәуелсіз мәдени кеңесшісі қызметіне тағайындалды, деп хабарлайды Oinet.kz тілшісі

"Гүлшара Әбдіхалықованың штаттан тыс кеңесшісі қызметіне Сүндет Байғожин тағайындалды", - делінген әкімдіктің хабарламасында.

Байғожин Сүндет Абдрахманұлы 1984 жылы Қостанай облысының Арқалық қаласында дүниеге келген. Қазақ ұлттық музыка академиясын жеке әншілік мамандығы бойынша бітірген. "Астана Операның" жетекші опера әншісі болған, бірақ еңбек келісім-шартын 2020 жылдың қаңтарында бұзған. Президенттің жарлығымен "Құрмет" орденімен марапатталды. Қазақстан Республикасының еңбек сіңірген қайраткері.

"Дарынды опера әншісі Сыр жерінің өнерін, оның ішінде классикалық музыканы дамытуға өз үлесін қосады. Оның арқасында әлемдік опера жұлдыздары аймақтың әртістерімен тәжірибе алмасады, сонымен қатар оларды әлемдік сахнада насихаттау үшін жұмыс жасайды", - деп түсіндірді әкімдікте.