Сауат ашу кітабындағы «Құран», «Хадис» сөздері ата-ананың ашуын туғызды

Oinet.kz 11-04-2020 1187

Дархан Қуанов атты азамат facebook парақшасына мектепке дейінгі даярлықта оқитын балаларға арналған «Сауат ашу» оқулығындағы «Құран», «хадис» деген сөздерге шүйлікті, деп жазады Skifnews.kz ақпарат порталы.

5e8fbff43a5f6775460153.jpg

Жазба авторының Ислам дініндегі наным-сенімді қазақ тіліндегі оқулыққа енгізуге наразылық танытуына келтірер өз уәжі бар.

«Мектепке дейінгі даярлық классына (нолевой) баратын баламның «Сауат ашу» пәні кітабынан мынандай жазбаларды көріп «шок» болдым. Білім беру министрлігі қайда қарап отыр? Ұ әрпін үйреткенде «Құран» сөзін баланың миына құяды, Х әрпін оқытқанда «Хадис» сөзін миына ендіреді. Қазақ қашан «Хадиша»-ны Хадиша деген? Тіліміздің икеміне орай, «Қадиша» демейтін бе еді?» - деп күйініп отыр ол.

Бұлай деуіне біздің еліміз толерантты, демократиялық даму жолына түскен, діндерді алаламайтын ел екенін дәлел еткен.

«Менің ұстанымым агностик (Құдайдың бар екеніне сенетін) тұрғысында. Сол реттен неге баламның санасын арабтың ертегісімен улауға жол беруім керек? Неге менің, баламның, өзге христиан, будда, т.б дініне сенетін, не атеистердің құқығы тапталады елімізде? Мектеп жасына жетпеген баланың санасына Ислам дінін тықпалауы – қорлауы емес пе?

Неге менің 6 жасар баламның санасына Ислами терминдер мен дінді күштеп ендіруге тырысады? Бұл үкімет бүркемелеп, мойындамаса да салафиттердің жымысқы саясаты ғой», - дейді Дархан Қуанов, оқулықтың «оңбай қалуының» себебін әріден іздеп.

Айтуынша, баласы Құдайға сене ме, атеист бола ма, ол жағын өскенде өз еркімен таңдауы тиіс. «Бірақ, мысықтабандап, уылжыған санаға арабтың вирусын енгізуге ешкімнің хақысы жоқ! Мен қарсымын!» - деп шорт кесті айтар ойын.

Одан әрі «Кино мен бағдарлама қарасаң, тұнып тұрған салафизм идеалогиясы. Кітап ашсаң, тағы сол», - деп екпіндеп барып бір-ақ тоқтаған ол, осы жазбасына Білім және ғылым министрі Асхат Аймағамбетовтің жауап беруін талап етті.

Қытайдың ең бай адамы Қазақстанға 4,5 тонна гуманитарлық көмек жіберді
Танымал астролог 2024-2025 жыл адамзат үшін өте қауіпті болатынын ескертті
Сәйкес тақырыптар
Көтерілу