Ынтымақ-бірлігіміз арта берсін

Oinet.kz 25-10-2022

25 қазан – Республика күнінің біз үшін, еліміз үшін мән-маңызы айрықша. Өйткені бұл күн – Қазақстанның болашақ тәуелсіздігінің іргетасы қаланған күн. 1990 жылы 25 қазан күні Қазақ КСР Жоғарғы Кеңесінің шешімімен Қазақ ССР-нің мемлекеттік егемендігі туралы декларация қабылданды. 

Screenshot_6.jpg

Бұл күн елімізде Республика күні ретінде мемлекеттік мереке болып бекітілді. Кейін мерекелер қатарынан алынып тасталып, біраз жыл тойланбай қалған болатын. 

Міне, енді осы маңызды мерекенің қайтып оралуын өз басым қуана қабылдадым. Өйткені, халқымыз үшін ең қымбат, ең қастерлі ұғым – тәуелсіздік. Қазақ КСР-інің мемлекеттік егемендігі туралы декларацияның қабылдануының өзі халқымыздың тәуелсіздік үшін күрес тарихындағы айрықша оқиға, аса маңызды қадам еді. Оны жүзеге асыру жолында ұлт қайраткерлері, елдің адал перзенттері аянбай тер төкті. Сондықтан бұл тарихи күнді біз ешқашан ұмытпай, әсіресе, кейінгі жас ұрпақтың мерей тұтып, мақтан ететін қымбат құндылықтарына айналдыруымыз керек. 

Біз бұл күнді салтанатты шаралармен атап өтіп қана қоймай, елдің үлкен бақыты – тәуелсіздікті сақтау, оны нығайту жолында әрқайсысымыздың жауапкершілігіміз бар екенін де терең сезіне түсуіміз қажет. Сондықтан бұл күн қоғамның ынтымақ-бірлігін арттыра түсетін мерекеге айналуы керек.

Қымбатты көпшілік! Баршаңызға мереке құтты болсын! Аспанымыз ашық болып, Отанымыз құт-берекеге тола бергей!

Бадритдин НИШАНКУЛОВ, 

Түркістан облыстық мәслихатының депутаты, облыстық өзбек этномәдени бірлестігінің төрағасы


Партиялық емес байқау орталығының төрағасы кандидаттардың штаб басшыларымен кездесті
Республика күнінде Түркістанда көк ту желбіреді

Сәйкес тақырыптар
Көтерілу
×