Цифрландыру мақсатында 30-ға жуық жоба жүзеге асады

Oinet.kz 04-05-2020 786

Биыл Түркістан облысында түрлі салаларды цифрландыру мақсатында 29 жобаны жүзеге асыру жоспарланып отыр. Өткен жылы облыс көлемінде цифрландыру саласы бойынша 17 жоба іске қосылған болатын. 

96eefc49-5eb7-4358-b92b-3f600bb86926.jpg

Сонымен қатар, ағымдағы жылдың соңына дейін 177 ауылдық округте электрондық құжат айналым жүйесі енгізілмек. 

«Облыста мектепте оқитын оқушылардың қауіпсіздігін қамтамасыз ету үшін «Қазақтелеком» АҚ арқылы Түркістан және Арыс қалаларының 11 мектебінде бейне-камералар орнатылып, «қауіпсіз-мектеп» пилоттық жобасы жүзеге асырылып жатыр. Арыс қаласында 6 мектепке 135 бейне-камера, Түркістан қаласында 6 мектепке 162-сі орнатылды. Бұдан басқа, Түркістан қаласындағы №13 Науаи атындағы мектепке демеуші есебінен бір IT класс және бір STEM панель қойылды. Түркістан қаласындағы №27 мектепте турникет орнатылып, оқушыларға арнайы идентификациялық карточкалар таратылды. Сондай-ақ, Е-кітапхана жүйесі пилоттық жобада енгізілуде», - дейді облыстық цифрландыру, мемлекеттік қызметтер көрсету және архивтер басқармасының басшысы Елнұр Өтебаев.

Басқарманың ұйымдастыруымен биыл Түркістан және Кентау қалаларының 3-D модельдері құрылады және аэрофотосъемка жұмыстары толық аяқталмақ. Бұдан бөлек, қосымша салық түсімдерін арттыру мақсатында, цифрландыру құрылғыларының көмегімен арнайы алгоритм дайындалған.

Қазығұрттықтар шағын несие мен қайтарымсыз қаржының игілігін көруде
Сарыағаштық шаруалар құлпынай егуді қолға алды
Сәйкес тақырыптар
Көтерілу