Әр елде жаңа жылдың тарихы сан алуан және оны тойлау дәстүрі де түрліше болып келеді. Мәселен кубалықтар жаңа жылда үйдегі барлық ыдысты суға толтырып қояды да далаға қайта төгіп тастайды. Олар осылайша күнәларынан арылады. Ал Грецияда сол түні  отағасы далаға шығып анардың дәндерін үйдің қабырғасына қарай шашады. Егер дәндер жан-жаққа көбірек шашылатын болса онда сол жылы  сәттілік күтіп тұр деген сөз. Итальяндықтар болса жаңа жылда үйде ескі зат қалмасын деген ырыммен ескі-құсқы киім-кешек, заттарын терезеден лақтырып жібереді. Олар көбірек зат  тастаған сайын соғұрлым байлық келеді дегенде сенеді.