Медицинаның кірпіші енді қаланып келе жатқанда бүгінгі ақ халаттыларды бақсылар мен сынықшылар алмастырған. Бақсылар адамдарды дуа, сиқырмен емдесе, сынықшылар тек қолының күшіне сенген.

Балгерге қарағанда сынықшының емі нәтижелі болса да тәуіптердің абыройы жоғары болған. Науқастар алдымен бақсыға жүгінген. Егер аурудың беті қайтпаса (мәселен тіс жұлу, шығып кеткен қол-аяқты салу) амал жоқ сынықшыға келген. Бірақ ең алғашқы диагнозды тәуіп-балгерлердің қойғанын зерттеушілер жоққа шығармайды.