Өмірімізді өзгертетін қарапайым сұрақ қандай? Мен дайынмын ба?

Мен спортпен шұғылдануға дайынмын ба? Үйге жөндеу жұмысын бастауға дайынмын ба? Мен өз ісімді ашуға дайынмын ба? Сұрақтардың легі ары қарай тізбектеліп кете береді.

Сіздің тәуекелге бел буып, шешім шығаруыңыз ең бастысы дайын болуыңызға байланысты. Өзгерістен қорқатын адамның сылтауы белгілі: жалқаулықты жеңе алмадым, не болмаса мен өзіме қажетті мотивацияны таппадым, менің қаражатым жетпеді. Түптеп келгенде, көпшілігіміз қиялымыздың алыс түкпірінде арман болып тұрған өмірді бастауға дайын емеспіз.

Адамның бойында ерекше күш бар. Ол шын жан-тәнімен талпынса, қажеттілігіне қол жеткізбей қоймайды. Бұл табиғаттың жазылмаған заңы. Әрдайым жаңашылдыққа өзгеріске дайын болыңыз!

Сізді алдыңызда не тосады? Сіздің мақсатыңыз қаншалықты ауқымды? Мұның барлығы маңызды емес. Егер сіз дайын екеніңізді сезсеңіз, қажетті қадам жасап, мәселенің мәнісін шешіп, дамуға бет алыңыз.

Бизнестегі басты сұрақ, Табыс сыры, табыс, бизнес, кәсіпкер, қазақстан кәсіпкерлері, Қазақстанда кәсіп бастау,

психологиялық өзгеріс

Бұл сұрақтың маңыздылығы осында жатыр. Оған жауап сенімді түрде «МЕН ДАЙЫНМЫН!» болғанда алдыңыздан алыс болып көрінген армандардың жолы айқындала бастайды. Сіз жетістікке жету жолында шексіз мүмкіндіктерге ие болмақсыз.  Дайын болсаңыз болғаны, алынбайтын қамал жоқ. Алға қойған мақсатыңызға жетіп, армандарыңыз міндетті түрде орындалады. Демек, өміріңізді өзгертетін қарапайым сұрақтың жауабы осындай.

Ал сіз өмірде өз жолыңызды адаспай табуға, өміріңізді жарқын сәттермен толықтыруға, кәсібіңізді ашуға, жарық әлемге өзгеше көзқараспен қарап, өзгерістер енгізуге дайынсыз ба?