«Атамекен» ҰКП Басқарма төрағасының орынбасары - Шымкент қаласы Кәсіпкерлер палатасының директоры Тимур Нақыпбеков өңірдің бизнес-қоғамдастығымен өткен кезесу барысында  бизнес палатаға жүгінетін ең көп таралған жүйелі мәселелерді айтты. Олардың ішіндегі ең үздіктері - салық салу, жер қатынастары, сәулет, құрылыс салалары. Орта есеппен жыл сайын Шымкент қаласының Кәсіпкерлер палатасына бизнесті қорғау желісі бойынша 200-ге жуық өтініш келіп түседі екен. Бизнес субъектілерінің құқықтарын қорғау прокуратура органдарымен және Антикормен тығыз байланыста жүзеге асырылады.

"«Атамекен» ҰКП бизнесті қылмыстық қудалау орбитасына негізсіз тартуға жол бермеу жөніндегі іс-шараларды өткізуді көздейтін "бизнесті қорғаудың экожүйесі" жаңа жобасын іске асыруды бастады. Бұдан басқа, бизнес пен мемлекеттің тиімді өзара іс-қимылы, бизнес проблемаларын жедел шешу мақсатында палатада 7 салалық комитет жұмыс істейді, олар өз алаңдарында кәсіпкерліктің жүйелі мәселелерін қарайды. Әкімдік жанынан әкімнің жетекшілік ететін орынбасарларымен және басқармалармен тікелей өзара іс - қимыл жасайтын салалар бойынша ұқсас бірлескен байланыс топтарын құруды ұсынамын", - деп атап өтті Тимур Нақыпбеков.

Жиынға қатысқан қала әкімі Мұрат Әйтенов  бұл бастаманы толығымен қолдап, осы мәселеге қатысуға дайын екендігін мәлімдеді.

Кездесу «Ашық әңгіме» форматында өтті, онда кәсіпкерлер әкімге және басқа мемлекеттік органдардың өкілдеріне тікелей сұрақтар қойып, өз пікірлерін білдіріп, қозғалған кейбір мәселелер өз шешімдерін тапты. Қала әкімі көтерілген мәселелердің кейбірін дереу өз орынбасарларына қарауды тапсырып, ал кейбір кәсіпкерлерді жеке қабылдауына шақырды.

Шаһар басшысы Мұрат Әйтенов кездесудің бизнес үшін де, билік үшін де пайдалылығын атап өтіп, үнемі, оның ішінде микро және шағын бизнес өкілдерімен кездесуді ұсынды.