Шымқала – тек қана туристерге жайлы өңір емес. Сонымен қатар шаһар кәсіпкерлер үшін де ыңғайлы қаланың бірі. Себебі мұндағы индустриалды аймақтар мен арнайы экономикалық аймағы бизнес өкілдеріне көптеген мүмкіндіктерді ұсынып отыр. Бизнеске жасалған жағдайдың арқасында үшінші мегаполис өнеркісібі құлаштап дамыған өңірге айналды. Қазір қалада  сәтті эұмыс істеп тұрған ірі әрі бірегей кәсіпорындар баршылық. 

Солардың бірі - «KazBioLife» ЖШС.  Бұл оңтүстік аймақта макулатурадан жасалған қағаз бен үш және бес қабатты гофр картон өндіретін жаңа технологияға ие жалғыз зауыт. Бұл зауыттың жабдықтары кез-келген көлемдегі орауға арналған бес түсті флексографиялық басып шығаруды қолдану мүмкіндігіне ие.

Талай жобаны қанаттандырған «Бизнестің жол картасы – 2020» мемлекеттік бағдарламасы негізінде іске асқан зауыт «Оңтүстік» арнайы экономикалық аймағында орналасқан. Жобаның жалпы құны 650 миллион теңгені құрап, «Максимум» аймақтық инвестициялық орталығы арқылы қаржыландырылған. Мұнда бүгінде 60 адам жұмыспен қамтылып отыр.Кәсіпорын өндіріске қажетті шикізатты Ресейден, Алматыдан алдырып, жылына 63 млн. шаршы метр картон шығару мүмкіндігіне ие. Сұранысы қарапайым өнім болғанымен, сұраныс өте жоғары. Тауардың өтімділігі артуда.Қаладан бөлек Түркістан, Қызылорда, Жамбыл облыстарына сұраныс көп дейді зауыт басшылығы.   «KazBioLife» ЖШС өндіріс көлемін ұлғайтпақ ниетте. Яғни екінші жоба қолға алынуда. Жоба құны 1300 миллион теңгені құрайды. 

Айтып өтсек, Шымкент қаласында биыл қаңтар-маусым айларында 17 миллиард 200 миллион теңгенің жеңіл өнеркәсіп өнімі өндірілген. Бұл республикада жеңіл өнеркәсібінің дамуындағы үшінші мегаполистің үлесі 23.5 пайызды құрап отыр деген сөз. Шымкентте бұл сектордың дамуына «Оңтүстік» арнайы экономикалық аймағы ерекше әсерін тигізіп отыр. Биыл бірінші жартыжылдықта Шымкентте өндірілген жеңілөнеркәсіп өнімдерінің 79,1 пайызы осы  аймаққа тиесілі.