Бұл күнде кәсіпкерлерге көрсетілетін қолдау түрі көп. Бизнес саласының өркендеуне мемлекеттік бағдарламалармен қатар «Даму» қоры да өз үлесін қосып келеді. 

«Даму» қоры арқылы мемлекеттен қолдау тапқан  мекеменің бірі  - Шымқалада жақында ғана ашылған «Remedy» орталығы. Медициналық орталық пациенттерге кең ауқымды консультациялық-диагностикалық қызмет көрсетеді. Клиникада әртүрлі салада, атап айтсақ, жоғары білікті хирург, педиатр, гинеколог, невропатолог, ЛОР дәрігерілер жұмыс істейді. Бұл медицина мекемесі «Бизнестің жол картасы-2025» мемлекеттік бағдарламасына қатысқан. Соның арқасында 2021 жылы инвестициялық мақсатқа жылына 14 пайызбен қаражат алған, оның 8 пайызын «Даму» қоры субсидиялап отыр.

«Бұл жерде алынған аппараттардың барлығы Оңтүстңк Кореядан алынған. Орталық 30 мың келушілге арнап салынған. «Даму» қоры арқылы көмек алғанбыз. Аппараттардың біразын осы қордың арқасында алды»,- дейді  «Remedy» медициналық орталығы бас дәрігердің орынбасары Өткір Жүнісбекұлы.  

Айта кетейік, қордың негізгі мақсаты: Қазақстан Республикасындағы шағын кәсіпкерлік субъектілерінің қалыптасуы мен экономикалық өсуін ынталандыру, мемлекеттің шағын кәсіпкерлікті қолдауға бағытталған қаржы құралдарын пайдаланудың тиімділігін арттыру.

«Даму» Қорының филиалдары Қазақстанның барлық өңірлерінде жұмыс істейді, жергілікті кәсіпкерлермен, қоғамдық ұйымдармен және жергілікті атқарушы органдармен айтарлықтай жұмыс тәжірибесі бар.

«Даму» қоры АҚ басты мақсатына қол жеткізу үшін, мынадай міндеттер көзделген:

- жобалық қаржыландыруды дамыту: шағын және орта бизнесті әртараптандыру мақсатында және жекелеген аймақтардың әлеуметтік-экономикалық ерекшелігіне сүйене отырып, экономиканың приоритетті салаларындағы шағын  кәсіпкерлік субъектілерін тікелей кредиттеу;

- қаржы лизингін дамыту;

- микрокредиттік ұйымдар желілерін дамыту ;

- шағын кәсіпкерлік субъектілерінің екінші деңгейдегі банктер алдындағы міндеттемелеріне кепілдік беру жүйесін дамыту;