ҚР Президенттігіне үміткер Қ. Тоқаевтың сенімді өкілдері, Халықтық коалицияның белсенділері Қаратау ауданына қарасты «Asia Trafo» ЖШС қызметкерлерімен кездесті. Жиында штаб төрағасы Бахадыр Нарымбетов жұмысшыларға ҚР Президенттігіне үміткер Қ. Тоқаевтың сайлауалды бағдарламасы жайлы кеңінен ақпар беріп, жалпы сайлау науқанының жұмыс барысымен таныстырды.

«Asia Trafo» – «Alageum Electric» электр жабдықтарын шығаратын жетекші қазақстандық өндірушінің құрамына кіретін Орталық Азиядағы трансформаторлық жабдықты шығаратын ең ірі зауыт. Зауыттың жобалық қуаты жылына 12 000 МВА асады. Өндіріске прогрессивті және экологиялық таза технологиялар енгізілді, олардың көпшілігін жақында әлемдік өндірушілер қолдана бастады. 

Кәсіпорын трансформаторларды жобалау кезінде «Бүкілодақтық трансформатор жасау институты» негізінде құрылған украиндық «Soft-Team Group» тобының бағдарламалық қамтамасыз ету жүйесіне сүйенеді.  Әрбір тапсырыс және әрбір өтініш жеке қарастырылады. Оңтайлы дизайн 3D модельдеу жүйелері арқылы есептеледі, тапсырыс берушімен келісіп, талаптарды қанағаттандырғаннан кейін өндірісті басқару жүйесіне автоматтандырылған деректер енгізіледі. Трансформаторлар өндірісі жобалық әзірлемелер мен нормативтік құжаттардың талаптарына сәйкес. Сондықтан отандық өнім жоғары сенімділікке ие. Жалпы сапалы өнім шығаруда Швейцария, Германия, Италия, Хорватия сияқты жетекші еуропалық компаниялардың технологиялық жабдықтары пайдаланылады.

«Бұл, шын мәнінде, тарихи мағынаға ие жаңғыру болмақ. Сондықтан, еліміздің әрбір жауапты азаматы осы маңызды кезеңде адал қызмет етуі қажет. Ел болып бірлесіп қана, мақсатымызға жетеміз. Біздің мақсатымыз – айқын. Бұл – азаматтарымыздың тұрмыс сапасын жақсарту. Осы мақсатқа қол жеткізу үшін мемлекеттік аппараттың және бүкіл азаматтық қоғамның күш-жігері жұмсалатын болады. Бірлесіп еңбек етсек, барлық міндетті жүзеге асырамыз, ортақ жұмыстың нақты нәтижесін көреміз. Сонда ғана азаматтардың әл-ауқаты артып, тұрмысы жақсарады, экономикамыз жаңарып, саяси жүйеміз жаңғырады» деді мемлекет басшысы өз сөзінде. Келесі айда өтетін сайлауда әрбір азаматтың дауысы маңызды.