Қонақ шақыра қалсақ қазақ дастарханын Ресей, Украина секілді елдердің тәттілері жаулап алып келгені жасырын емес. Әрине өзіміздің кәмпиттер де бар. Алайда көп емес. Соңғы жылдары елімізде  кондитерлік өнімдайындайтын кәсіпорындардың көбйгендігі қуантады. Өзіміздің тәттілерге не жетсін, шіркін! Кондитердік өнімдердің отандық нарықты жаулап ала бастауы біріншіден мемлекеттің кәсіпкерлік саласын айрықша қолдауы деп білеміз. 

 Кейінгі кездері шымкенттің тәттілері де сұранысқа ие бола бастады. Осы ретте үшінші мегаполисте  нағыз тәттіқұмарлар мен балалардың арманын орындайтын кәсіпорын бар. Яғни, ол еліміздегі ең дамушы компаниялардың бірі «NURTAU distribution company» ЖШС. 

Жаңа кәсіпорынның өндірістік қуаты жылына 1,15 миллион  дана шоколад кәмпитін, 1,8 миллион  дана сағыз кәмпитін құрайды. Сондай-ақ, мекеменің Қазақстан Республикасының барлық қалаларында өкілдері, сауда командасы мен алаңдары бар. 

Аталған кәсіпорын «Тассай» индустриалды аймағында 1,2 гектар аумақта орналасқан. Шоколадты кәмпит және сағыз өндірумен айналысады. 60 жаңа жұмыс орнын құрып, 2019-2020 жылдары құрылысы жүргізіліп, «Бизнестің жол картасы 2025» мемлекетті кбағдарламасы шеңберінде 100 пайыз іске қосылып отыр.  

Компанияның негізгі аудиториясы - балалар. Сондықтан «Орбит» емес, сағыз кәмпиттер сатылады. 12 түрлі ассортименті бар. Мысалы, алма, банан, таңқурай дәмімен ұсынылады. Бұл кәмпиттер мен сағыздар Шымкентте өндірілетін болғандықтан, шетелдік аналогтардан 10 пайыз арзан болады.  

Өнімдер «MEXXI» атауымен шығарылады. Жергілікті базарлар мен барлық дүкендерден алуға болады. 70 пайызы ішкі нарықта, 30 пайызы экспортқа жөнелтіледі.  

Мұндағы мамандардың кейбіреулері жаңа жабдықта жұмыс істеу үшін арнайы оқытудан өткен. Алдағы уақытта компания жүгеріден жасалған, карамель және таяқшадағы қатты кәмпиттер өндіретін желілерді іске қосуды көздеп отыр.