Мұқағали Мақатаев. «Өзеніне асыққан бұлақтайын»

Oinet.kz 29-08-2019 1141

1450429369_3a4a2274e8d7a715dc31bd6a5e55551f.a1762bf7cb196e15ffcd4a1b4e9173c413989.jpg

Өзеніне асыққан бұлақтайын,

Енесіне жүгірген лақтайын,

Жайқалайын жаныңда құрақтайын,

Енді мен де саған кеп тұрақтайын.

Асқар тауға соғылған дауылдайын,

Ақтарылған аспаннан жауындайын,

Дамылдайын, саған кеп дамылдайын,

Ауа бермей аулаққа сағымдайын.

Өзімменен сапарға бір аттанған,

Құрбылардың бәрі де тұрақтанған.

Ақ үмітті үздейін бір кездегі,

Ұмыт болып жұртымда жылап қалған.

Өз орнында, өзгермей тұр ақ қайың,

Тұрақтайын, мен де енді тұрақтайын.

Ар үміті - жоғалған ақ үмітім,

Табайын да, сені енді жылатпайын...

Мұқағали Мақатаев. «Революция жаңғырығы»
Мұқағали Мақатаев. «Өтелер ме?»
Сәйкес тақырыптар
Көтерілу