Мұқағали Мақатаев. «Досыма!»

Oinet.kz 29-08-2019 1259

1450429369_3a4a2274e8d7a715dc31bd6a5e55551f.a1762bf7cb196e15ffcd4a1b4e9173c413989.jpg

Қамығып көңіл сарғайды,

Аласұра бір жүрек.

Өмір әлде алдайды,

Көз жетпейді, кім біледі..

Сонау бір бала шағымда,

Қол ұстасып өскен ем.

Өмірдің рахат таңын да,

Сенімен бірге кешкен ем.

Сұрапыл соғыс бірақта,

Амалсыздан айырды.

Ауыр жағдай шыдатпай,

Дос жүрегін қайырды.

Соғыс бітті.

Жаңарды өмір,

Жүректің кірі жуылды.

Алып-ұшып достық көңіл,

Табысар күн туылды.

Қайда менің тату досым,

Көріселік, бермен келші!

Ізгі достық сыры болсын,

Арманыңды айта берші!..

Келші, досым, келші бермен!

Еске түссін балалық!

Асыр салып жүрген жермен,

Адасқан күнді табалық.

Әлденеге жабығамын,

Адасқан достық сырын айтып.

Ойымнан неге жаңыламын,

Өткен өмір келмес қайтып.

Суысқалы достық жүрек,

Талай жылдар болды міне.

Ұшқанша ол қайта түлеп,

Күні шығар жаңа дүние.

Мұқағали Мақатаев. «Жүрегім»
Мұқағали Мақатаев. «Күзгі кеште»
Сәйкес тақырыптар
Көтерілу