Абай Құнанбайұлы. Қажымас дос халықта жоқ

793b03256_660x300.png

Қажымас дос халықта жоқ,

Айнымас серт қайда бар?

Алда көрген артта жоқ,

Мысқыл, өсек, айла бар.


Жақсылығың күнде ұмыт,

Бір жаңылсаң, болды кек.

Пайдасынан бой суыт,

Өзі тимей жүрсе тек.


Пайда, мақтан өзінен,

Артыла ма ант ұрып?

Жарыса өсек сөзінен,

Айта берсін шарқ ұрып.


Кімге достық көп еттім,

Түбі болды бір кейіс.

Жақсы өмірім әуре1 еттің,

Жар таба алмай бір тегіс.


Жау қожаңдап бұртайып,

Дос құбылып, әуре етер.

Кімі тентек, кімде айып,

Тексере алмай өмір өтер.


Сыйласарлық тектінің,

Кім танымас нұсқасын?

Күнде өзімшіл ептінің,

Несін адам ұстасын?


1 Әуара (парсыша) – қаңғыру, сергелдеңге салыну

Мүмкін сізді қызықтыратын тақырыптар:

  • Қазақ қыздары және әлемдік мәдениет (Тәрбие сағаты)
  • Байлық туралы мақал-мәтелдер
  • Қазақ тілі жайында тамсана жазған ғалымдар...
  • Адам ағзасы туралы қызықты деректер
  • Өтейбойдақтың өсиеті
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика