Тақырыбы: Тәуелсіз елдің ұландары 

Мақсаты:Балалардың Отан туралы түсініктерін кеңейту. Оларды Отанды, туған жерді сүюге тәрбиелеу. Отаншылдық сезімдерін қалыптастыру. Көрнекілігі:Гүлдер,  шарлар, суреттер т.б.   

Тәрбиешінің кіріспе сөзі. Құрметті ата – аналар, бүлдіршіндер және балабақша қызыметкерлері! Егеменді еліміздің тәуелсіздік алғанына 22 жыл толғалы отыр. 

Жас мемлекетіміз жиырма жылдың ішінде көптеген жетістіктерге  жетті. Тәуелсіз еліміз болашаққа айқын бағдар түзеп, өркениетті елдер қатарына жетуге аяқ басты.Болашақтың тірегі  бүгінгі мына бүлдіршіндер.

 Сәби күлкісі мен ана мейірімінің сәні ешқашан бұзылмасын деп тілейміз. Келе жатқан ұлық мереке құтты болсын! «Шұғыла»  тобының  бүлдіршіндерімен  дайындаған  «Тәуелсіз елдің ұландары»  атты  мерекелік шарамызға қош келдіңіздер. Ортаға бүлдіршіндерді шақырайық. Әнұран орындалады. Шара  «Тәй — тәй» бағдарламасы  негізінде орталықтарға бөлініп, сайыс түрінде өтеді. 

Әділ қазылар алқасы: Әмина Борисқызы – тәрбиеші , Шынар Бердіқұлова – әдіскер, Ұлболсын Исатайқызы – психолог.   Сайысушы топтар: «Айдын» тобы:  Қойшыбай Несібелі, Өмірзақ Бейбарыс, Нұрмаш Дархан, Қожахмет Асылжан.   

«Жарқын» тобы:    Талғатұлы Әміржан, Әлімсәлім Ілияс, Рахым Айкөркем, Дәулет Айтуар.   «Толқын»  тобы:  Бақтыгерей Ерасыл, Алхам Наурызбек, Лесбай Жаңайбек, Дүйсенбай Бибінұр. Топ атауларының  өз сыры бар. 

Еліміздің  айдындай  жарқыраған ұланғайыр даласы,  өзен, көлі көз алдымызда. Бүлдіршіндеріміздің  де білімдері теңіздей  терең, айдындай жарқырай берсін  деген ниетпен алдық. Тәуелсіздік алғаннан бері болашағымыз жарқын. 

Елмен бірге бүлдіршіндеріміздің де болашағы жарқын болсын  деп тілейміз. Кейінгі толқын мына бүлдіршіндер еліміздің болашағы.     Топтар үш орталықта бақ сынасады. І орталық – Көркем әдебиет орталығы. 

Бұл орталықта  сайыскерлер  Отан, Тәуелсіздік , туған жер тақырыбындағы өлең, тақпақтарды  мәнерлеп,  жатқа айтады. «Айдын» тобы:   Қойшыбай Несібелі: Он алтыншы желтоқсан Тәуелсіздік алған күн. 

Ерекше боп мәңгілік Ел жадында қалған күн.   

Өмірзақ Бейбарыс:   Туған жер алтын босағам, Аттандым сенен қияға. Апам мен Отан қос анам Қондырған мені ұяма.                                    

 Нұрмаш Дархан:      Елтаңбасы елімнің, Неткен әйбат әдемі. Тұнығындай көңілдің, Ортада аспан әлемі.   Қожахмет Асылжан:     Тәуелсіз елім, тірегім, Самғауыңды тіледім. Елу елдің ішінен, Орын алар ұлы елім.   «Жарқын» тобы: Талғатұлы Әміржан: Жаса мәңгі, Тәуелсіздік ұраны, Шарықтасын қазағымның жыр- әні. Отанымның туын көкке көтеріп, Мен боламын ұлы елімнің ұланы.    Әлімсәлім Ілияс:     Таң арайлап атады, Күн күлімдеп шығады. Шаша берсін шапағын, Тәуелсіздік шуағын.   

 Рахым Айкөркем:Отан – менің жүрегім, Отан – менің тірегім, Отан – менің отбасым, Тек соны ойлап жүремін.   Дәулет Айтуар:   Елтаңбасы елімнің Ортасында шаңырақ. Мемлекеттік туымнан Күн шығып тұр  жарқырап.   «Толқын»  тобы:  Бақтыгерей Ерасыл:Отан – менің ата – анам Отан —  досым, бауырым. Отан – өлкем, астанам, Отан – туған ауылым.  

 Отан –тарих,  Отан – тіл, Жасаған елім, өз халқым. Отан – өлең, Отан – жыр, Көтерген көкке ел даңқын.                  Алхам Наурызбек:   Отан – сенің ата – анаң Отан —  досың, бауырың. Отан – өлкең, астанаң, Отан – аудан,  ауылың.   Лесбай Жаңайбек :Жаса, жаңа Астанам! Өркен жая бастаған. Болашақтың есігін Өз қолыңмен аш маған.    

 Дүйсенбай Бибінұр:Көк аспандай көкпеңбек Қазақстан жалауы. Көк емес ол тектен тек Елдің ашық қабағы.   ІІ. Зерде орталығы.  «Ғажайып  қоржындағы»  сұрақтарға  жауап  беру. ҚР –ның  Елбасы  (Президенті)  кім? ҚР – ның  рәміздерін ата. Еліміздің бас қаласы (Елордасы) қай қала? Тудың түсі қандай, сипаттап бер?  

 ІІІ. Тіл дамыту орталығы. Алдын – ала берілген  тақырыпқа үйден ата- аналары сурет салады. Балалар сол суретке әңгіме құрап айтады. Кемінде 4-5 сөйлем айтуы керек. Балалардың сөз құрауы, сөздердің байланысы, жалғау, шылауларды пайдалануы және сөйлеу мәнері ескерілуі тиіс. Ән. Әрқашан күн сөнбесін. Орындайтын балалар хоры.  

 Қорытынды:   Отан деген не?Топтастыру әдісі бойынша балалар магнитті тақтаға  суреттерді тауып жапсырады. Ауыл, отбасы, бауыр, дос, қала т.б.   Әділқазылардың шешімі.

 Марапаттау рәсімі. 

Тәрбиешінің қорытынды сөзі.